არა ერთი გაფრთხილებისა და მოწოდების მიუხედავად, ბოლო რამდენიმე წელია ადამიანები გარუჯვის მიზნით ლეღვის ნახარშს ხმარობენ, რაც ყოველთვის მძიმე დაზიანებებით სრულდება.

გამონაკლისი არც წლევანდელი სეზონი იყო და ამჯერად, დამწვრობის ცენტრში ლეღვის ნახარშის ზემოქმედებით მიღებული ტრავმით 32 წლის ქალი შეიყვანეს.

როგორც დამწვრობის ცენტრის ხელმძღვანელმა გუგა ქაშიბაძემ ნიუპოსტთან საუბარში აღნიშნა, პაციენტს სხეულის 35% აქვს დამწვარი და ის ახლა ქირურგიულ განყოფილებაშია მოთავსებული. ამჟამად, ახალგაზრდა ქალის ჯანმრთელობის მდგომარეობა სტაბილურია, თუმცა გარკვეული პერიოდის განმავლობაში ის მკურნალობას ამავე სტაციონარში გაივლის. ქაშიბაძის თქმით, პაციენტს მესამე ა ხარისხის დამწვრობა აქვს მიღებული.