"მაჟრიალებს და თავის შემაწუხებელი ტკივილი მაქვს...დილით მტრედი მოფრინდა ჩემთან"

"მაჟრიალებს და თავის შემაწუხებელი ტკივილი მაქვს...დილით მტრედი მოფრინდა ჩემთან" - ვიკა ბუკია ჯანმრთელობის მდგომარეობაზე

სოც.მედია - 11:39, 11 Sep, 2020

3636

ჟურნალისტი ვიკა ბუკია, რომელსაც კორონავირუსი დაუდასტურდა, მისი ჯანმრთელობის მდგომარეობის შესახებ სოციალურ ქსელში წერს:

„გუშინ დაუფერთხავი თერმომეტრი შემომიტანა ექთანმა და 41 ეწერა , აქ ასეთებიც ხდება.

ჩვენ კარგად ვართ. რასაც გვერდიდან ვუყურებ (ზუსტად ასე გვერდი-გვერდაა ჩვენი საწოლები) ლევანი უკეთ გრძნობს თავს, თუმცა მარჯვენა ფილტვის პატარა კერაზე ანთებითი პროცესი დაფიქსირდა კომპიუტერის მიხედვით, ამიტომ დაიწყო მისი მკურნალობა ანტიბიოტიკებით.

დაალევინეს ტოპტი. ფართო სპექტრის მოქმედების ანტიბაქტერიული საშუალება, რომელიც აფერხებს ბაქტერიების ზრდასა და გამრავლებას. მაღალ კონცენტრაციებში ავლენს ბაქტერიციდულ მოქმედებას.

შემდეგ დალია ლან-30 კუჭის წყლულოვანი დაავადების სამკურნალო საშუალება. გამათხელებელი ისევ გაუკეთეს კანქვეშ – ფრაქსიპარინი და გადასხმა.

ამ ჩამონათვალიდან მე მხოლოდ გადასხმას და ფრაქსიპარინს მიკეთებენ. საღამოს მაქვს უძლიერესი თავის ტკივილი, ვსვამ მაგენოლს.

ჩემი ფილტვები სუფთაა. მაგრამ ისევ ვიღაც მიჭერს ყელში თოკით. მაქვს მშრალი, მაგრამ არა ძალიან შემაწუხებელი ხველა.

სიცხე 37,3. ხანდახან ეს თოკიც იხსნება და სიცხეც; და ვხვდები სრულიად უსიმპტომო. საღამოობით უფრო ცუდად ვარ ხოლმე.

მაჟრიალებს და თავის შემაწუხებელი ტივილი მაქვს. გემოს რეცეპტორები ისევ ადგილზეა. მანჯიმ გამოგვიგზავნა საჭმელი და ისეთი გემრიელი იყო, აი, უხ! მადლობა მანჯი.

ყნოსვაც გვაქვს. ორივეს სუსტი სურდო გვაქვს და რის საშუალებასაც სურდო გვაძლევს სუნებს ვარჩევთ.

დილით მტრედი მოფრინდა ჩემთან.

რამდენი იფრინა და აქ დასკუპდა. კოვიდიანების ფანჯარასთან ასე ფრენა ხუმრობა საქმე ხომ არ არის. ახალი კონტაქტი შემემატა – მტრედი“, – წერს ვიკა ბუკია სოციალურ ქსელში.