თამარ ბაჩალიაშვილი ერთ-ერთ ვიდეოში ამბობს, რომ თავს მოიკლავდა, რომ არ ეცოდებოდეს დედა და მამა

თამარ ბაჩალიაშვილი ერთ-ერთ ვიდეოში ამბობს, რომ თავს მოიკლავდა, რომ არ ეცოდებოდეს დედა და მამა - ადვოკატი

სამართალი - 22:39, 10 Sep, 2020

5661

თამარი ერთ-ერთ ვიდეოში ამბობს, რომ თავს მოიკლავდა - ამის შესახებ „ადამიანის უფლებათა ცენტრის” ადვოკატმა და თამარ ბაჩალიაშვილის ოჯახის ერთ-ერთმა უფლებადამცველმა, ეკა ქობესაშვილმა განაცხადა.ქობესაშვილის თქმით, თამარ ბაჩალიაშვილს ჰქონდა მძიმე დეპრესია. თუმცა ეს პერიოდი შეიძლება, ნებისმიერს ქონდეს.

"ერთ-ერთ ვიდეოში ამბობს, რომ თავს მოიკლავდა, რომ არ ეცოდებოდეს დედა და მამა. მიზეზებზე საუბარი არ არის, ის ფიქრობს, რომ შეიძლებოდა ცხოვრებაში მეტისთვის მიეღწია და უფრო მეტი გაეკეთებინა და რაღაც გარემოებები სამსახურში აღიზიანებდა. ჩემი აზრით, თუ ადამიანი ასეთი ტიპის ვიდეობს წერს, იმასაც აუცილებლად ჩაწერდა, რომ იმ დღეს თავს მოიკლავდა.

არ ვიცი რატომ ხდებოდა ამ მასალებით აპელირება აქამდე, თითქოს ეს შეიძლება, ყოფილიყო თვითმკვლელობისკენ მიმართული ქმედებები და თამარ ბაჩალიაშვილს ჰქონდა მძიმე დეპრესია. ჩვეულებრივი ვიდეოდღიურებია, რაც შეიძლება ნებისმიერ ადამიანს ჰქონდეს. უმეტესი ვიდეოდღიური გადაღებულია მის შეყვარებულთან, თუ როგორი ბედნიერია. ასევე არის ნაწილი, სადაც ის ბრაზობს საკუთარ თავზე, სწავლის წარუმატებლობაზე.

ის მუშაობდა საკუთარ თავზე, რომ ჰქონოდა მაღალი თვითშეფასება და მიეღწია უფრო მეტისთვის კარიერაში. არის ვიდეოები, სადაც სიბნელეა, თამარი საერთოდ არ ჩანს და საუბრობს. დეპრესიული დეტალები ნამდვილად არის, თუმცა მე დარჩა შთაბეჭდილება, რომ ეს პერიოდი შეიძლება, ნებისმიერს ქონდეს”, - აღნიშნა ეკა ქობესაშვილმა.