"სტრატეგია აღმაშენებლის" აქტივისტს, მეტროსადგურ "ვარკეთილის" მიმდებარე ტერიტორიაზე, ორმა პირმა სიტყვიერი შეურაცხყოფა მიაყენა.

შსს-ს ცნობით, ორივე მათგანი შემთხვევის ადგილზე წვრილმანი ხულიგნობის მუხლით დააკავეს.

"შინაგან საქმეთა სამინისტროს თბილისის პოლიციის დეპარტამენტის ისანი-სამგორის მთავარი სამმართველოს მე-8 სამმართველოს თანამშრომლებმა, წვრილმანი ხულიგნობის ბრალდებით, ორი პირი: 1987 წელს დაბადებული გ.ხ. და 1976 წელს დაბადებული პ.ს. დააკავეს.

მიმდინარე წლის 9 სექტემბერს, თბილისში, მეტროსადგური "ვარკეთილის" მიმდებარე ტერიტორიაზე, ორმა მოქალაქემ - გ.ხ.-მ და პ.ს.-მ პოლიტიკური პარტია "სტრატეგია აღმაშენებლის" ორ აქტივისტს სიტყვიერი შეურაცხყოფა მიაყენა.

სამართალდამცველებმა ორივე მათგანი შემთხვევის ადგილზევე, ადმინისტრაციულ სამართალდარღვევათა კოდექსის 166-ე მუხლით დააკავეს, რაც წვრილმან ხულიგნობას გულისხმობს," - აღნიშნულია უწყების მიერ გავრცელებულ განცხადებაში.