რა რისკებს აზღვევს ავტოპასუხისმგებლობის ნაკრები

ბიზნესი & ეკონომიკა - 19:08, 09 Sep, 2020

1664

ავტოპასუხისმგებლობა მარტივი და მცირე დაზღვევაა, მაგრამ ამავე დროს ნებისმიერი მძღოლისთვის აუცილებელი და გამოსადეგი. თუ მანქანის მართვისას ყველაზე მეტად იმის შიში გაქვთ, რომ სხვისი ქონება თუ ჯანმრთელობა არ დააზიანოთ, მაშინ ეს სადაზღვევო ნაკრები თქვენთვისაა განკუთვნილი. ავტომობილით გადაადგილებისას გაუთვალისწინებელი შემთხვევები ხდება, თიბისი დაზღვევა კი ამ ნაკრებით დაგეხმარებათ თქვენი სამოქალაქო პასუხისმგებლობა დააზღვიოთ.

ავტოპასუხისმგებლობის ნაკრებით თქვენ დაზღვეული გექნებათ შემხთხვევები, თუ თქვენ ავტოავარიისას:

· დააზინეთ სხვისი ავტომობილი;

· დააზიანეთ სხვისი ქონება;

· დააზიანეთ სხვისი ჯანმრთელობა;

მესამე პირისთვის გადასახდელ ხარჯებს თიბისი დაზღვევა აანაზღაურებს. ზარალი წინასწარ დადგენილი ლიმიტის ფარგლებში ანაზღაურდება. ლიმიტი კი დამოკიდებულია ყოველთვიურად გადასახდელ თანხაზე, რომელსაც პოლისის შეძენისას აირჩევთ.

ავტოპასუხისმგებლობის ნაკრებით შეგიძლიათ აირჩიოთ ანაზღაურების ორი ლიმიტი 5 000 ლარი ან 10 000 ლარი. 5 000 ლარიანი ლიმიტი თვეში 5 ლარი ღირს, ხოლოდ 10 000 ლარიანი ლიმიტის ღირებულება თვეში 10 ლარია.

ავტოსაგზაო შემთხვევის დადგომისას ზარალი აღნიშნული ლიმიტის ფარგლებში ანაზღაურდება, თუმცა კიდევ 2 მარტივი პირობა უნდა იყოს დაცული - ავტომობილის მძღოლი უნდა იყოს არანაკლებ 21 წლის და უნდა ჰქონდეს მართვის მოწმობა.

დღეისათვის ავტოპასუსხისმგებლობის დაზღვევა ნებაყოფლობითია და მძღოლები თავად ირჩვენ დააზღვიონ თუ არა თავიანთი სამოქალაქო პასუხისმგებლობა, თუმცა მალე ევროკავშირთან ასოცირების ხელშეკრულება ჩვენს სახელმწიფოს დაავალდებულებს ძალაში მიიღოს კანონი სავალდებულო დაზღვევის შესახებ. ამის შემდეგ მსგავსი ტიპის დაზღვევა ყველა მძღოლისთვის სავალდებულო გახდება. თიბისი დაზღვევის მომხმარებლებს კი უკვე აქვთ საშუალება შეიძინონ მესამე პირთა მიმართ პასუხისმგებლობის დაზღვევა და ავტოავარიისას სხვისთვის მიყენებული ზიანის ანაზღაურება თიბისი დაზღვევას მიანდონ.

როგორ შევიძინოთ ავტოპასუხისმგებლობის ნაკრები

ნაკრების შეძენა შესაძლებელია ონლაინ, ყველაზე მეგობრულ ბი ბოტთან ან თიბისი დაზღვევის ციფრულ პლატფორმაზე, სადაც დაგჭირდებათ პირადობის მოწმობა და მარტივი ფორმულარის შევსება. პოლისის შესაძენად:

· აირჩიეთ ანაზღაურების სასურველი ლიმიტი;

· მიუთითეთ დაზღვევის დაწყების სასურველი თარიღი;

· შეიყვანეთ ავტომობილის სახელმწიფო ნომერი;

· შეიყვანეთ პირადი მონაცემები (პირადი ნომერი და დაბადების თარიღი);

· მიუთითეთ საკონტაქტო ინფორმაცია და ელ. ფოსტა, რომელზეც მიიღებთ პოლისის ელექტრონულ ვერსიას.

ავტოპასუხისმგებლობის დაზღვევა ერთ წლიანია, შემდეგ კი შეგიძლიათ პოლისი ავტომატურად გააგრძელოთ. თიბისი დაზღვევის მრავალფუნქციურ ვებგვერდზე შესაძლებელია როგორც პოლისის ვადის გახანგრძლივება, ასევე სადაზღვევო პრემიის ონლაინ გადახდა, ონლაინ ანაზღაურების მოთხოვნა და სხვ. გარდა ამისა, ციფრულ პლატფორმაზე შეგიძლიათ გაეცნოთ ავტოდაზღვევის სხვა ნაკრებებსაც, შეარჩიოთ თქვენთვის სასურველი დაზღვევა და სახლიდან გაუსვლელად, მარტივად და კომფორტულად გააფორმოთ სადაზღვევო პოლისი.