კულტურული მემკვიდრეობის ძეგლთა შესახებ კანონპროექტის გადამუშავების მომხრეა კულტურის მინისტრი გურამ ოდიშარია. მისი თქმით უნდა განისაზღვროს გარკვეული დეტალები. ამ საკითხზე სასაუბროდ მინისტრი არასამთავრობო სექტორსაც შეხვდება.

"ეს კანონი აუცილებელიც არის ოღონდ სხვანაირი რედაქციით. გვაქვს ვარიანტი, შევთავაზებთ პარლამენტს, ეკონომიკის სამინისტროს და ძეგლი იქნება მეტად დაცული.

ამავე დროს სახელმწიფო მნიშვნელობა უნდა განვსაზღვროთ უფრო, რა არის, რას ნიშნავს რა მნიშვნელბისაა ძეგლი", - აცხადებს ოდიშარია.

კანონპროექტის წინააღმდეგ რამდენიმე არასამთავრობო ორგანიზაციამ საკუთარი პოზიცია უკვე დააფიქსირა.