დაპირისპირება პროკურორსა და 19 წლის ფეხბურთელის, გიორგი შაქარაშვილის საქმეზე დაკავებულ ზ.ხ.-ს მამას შორის.

მცხეთის რაიონული სასამართლოს ეზოში, სადაც მორიგი სასამართლო მიმდინარეობდა, არასრულწლოვან ზ.ხ-ს მამა მივიდა და თქვა, რომ მის შვილს 10 საათის შემდეგ, 16 საათის განმავლობაში კითხავდნენ.

"ჩვენ გვქონდა უფლება ღამის საათებშიც დაგვეკითხა ადამიანი,16 საათიც შეიძლება მიმდინარეობდეს პირის დაკითხვა, გააჩნია შემთხვევას, შესვენების გარეშე არა, შესვენებებით. რაც შეეხება არასრულწლოვანს 10 საათამდე უნდა დაიკითხოს. გარდაცვლილ ადამიანის საქმეზე მიმდინარეობდა გამოძიება, ვეძებდით ადამიანს, რომელიც არ ვიცოდით სად იყო, რა მდგომარეობაში იყო და ა.შ. ახლა როგორ შეიძლება ის ვთქვათ, რომ გამომძიებელს 10 საათის შემდეგ დაკითხვა არ უნდა ჩაეტარებინა", - თქვა საქმის ერთ-ერთმა პროკურორმა.