მომღერალი ნინო ჩხეიძე ჟურნალ "სარკესთან" პანდემიის გამო შექმნილ პრობლემებზე საუბრობს. მისი განცხადებით, კორონავირუსის გამო, გადაედო 15 კონცერტი, რადგან ის საზღვარგარეთ ვერ წავიდა:

"კორონავირუსის პანდემიამ სერიოზული გავლენა იქონია ბიზნესზე და ჩემს შემოსავლებზე, როგორც გიტხარით, 15 დაგეგმილი კონცერტი გაუქმდა საზღვარგარეთ. ეს კონცერტები რომ შემდგარიყო, მას კიდევ ამდენი შემოთავაზება მოჰყვებოდა.

რაც შეეხება რადიო-ტელევიზიას, ბუნებრივია, აქაც განახევრდა შემოსავლები, რადგან მთლიანად სარეკლამო შემოსავლებზე ვართ დამოკიდებული და ამ პანდემიის დროს, რეკლამები თითქმის სრულიად გაჩერდა. რაღაცნაირად ვცდილობთ თავი გავიტანოთ და ეს რთული ეტაპი დავძლიოთ", – აღნიშნავს ჩხეიძე.