შუალედური ექსპერტიზით გიორგი შაქარაშვილის ჩანთაზე ბრალდებული პირების დნმ არ აღმოჩნდა. ამის შესახებ პროკურორმა, დავით ყაზარაშვილმა ისაუბრა.

“ჩანთაზე არსებული ბიოლოგიური მასალა შედარდა როგორც მკვლელობაში ბრალდებულების ბიოლოგიურ მასალას, ისე თავდასხმაში ბრალდებულებს. ასევე, იმ პირებს, რომლებმაც დაზარალებულები წაიყვანეს შემთხვევის ადგილიდან - ე.წ. საბურთალოს მხარე. ჩანთაზე ამოვიდა შაქარაშვილის დნმ პროფილი და იმ პირის დნმ პროფილი, ვისგანაც ჩანთა ითხოვა”, -განაცხადა ყაზარაშვილმა.

მისი თქმით, ის ფაქტი, რომ ექსპერტიზის შედეგად ჩანთაზე ბრალდებულების ბიოლოგიური მასალა არ ამოვიდა, არაფერს აქარწყლებს და პასუხისმგებლობას თავიდან ვერავინ აირიდებს.