რა ინფორმაციის მატარებელია ვახო ჩიქოვანის მობილური - შაქარაშვილის საქმეზე ბრალდებულის ტელეფონიდან წაშლილი ფაილების აღდგენის თხოვნით, საქართველო ისრაელს მიმართავს

სამართალი - 15:37, 21 Aug, 2020

3501

19 წლის ფეხბურთელის, მკვლელობის საქმე - საქართველო შაქარაშვილის საქმეზე ბრალდებულების ტელეფონებიდან წაშლილი ფაილების აღდგენის თხოვნით ისრაელს მიმართავს.
დოკუმენტით, რომელიც "ტვ პირველმა" მოიპოვა დგინდება, რომ ვახო ჩიქოვანის მობილურში ფაილები განადგურებულია და მისი აღდგენა საქართველოში ვერ შეძლეს. წაშლილი ფაილების აღდგენა კი მხოლოდ ისრაელის შს საქმეთა სამინისტროს შეუძლია.

დოკუმენტში, რომელიც 5 აგვისტოთი თარიღდება ვკითხულობთ, რომ გამომძიებელი არკად კვანტიანი, ზემდგომ ორგანოებს მიმართავს, რომ საქმის გამოძიებაშ ჩაერთონ ისრაელის სპეციალისტები.
გამომძიებელი დადგენილებაში წერს, რომ ვახო ჩიქოვანის ტელეფონთან დაკავშირებით 2 თვის განმავლობაში გამომძებლები მუშაობდნენ და ცდილობდნენ აღედგინათ მტკიცებულებები, რომლებსაც ვახო ჩიქოვანის ტელეფონი ინახავდა მათ ეს ვერ შეძლეს. გამომძიებელს აქვს ინფორმაცია, რომ ერტადერთი, ვისაც შეუძლია აღნიშნული ფაილების აღდგენა არის ისრაელის სპეციალისტები. ტვ პირველის ინფორმაციით აღნიშნულ საკითხზე საქართველო ისრაელს მიმართავს.

"ვახტანგ ჩიქოვანის სარგებლობაში არსებული Apple წარმოების Iphone 11 პრო მოდელის მობილური ტელეფონიდან გამოძიებისთვის არსებითი მნიშვნელობის მქონე არსებული/წაშლილი ინფორმაციის ამოღებასთან დაკავშირებით საქართველოში მოქმედ საექსპერტო დაწესებულებებში დანიშნული იყო საინფორმაციო ტექნოლოგიური ექსპერტიზები. აღნიშნული ექსპერტიზების ფარგლებში დასახელებული მობილურის მეხსიერებიდან ვერ მოხერხდა წაშლილი ინფორმაციის სრულიუად აღდგენა და ამოღება. Iphone 11 პრო მოდელის მობილური ტელეფონიდან წაშლილი ინფორმაციის ამოღების ტექნიკური შესაძლებლობა აქვს ისრაელის სახელმწიფო ეროვნული პოლიციის საექსპერტო დაწესებულებას.
ვახტანგ ჩიქოვანის სარგებლობაში არსებული მობილურში წაშლილი ინფორმაციის აღდგენას და ამოღებას ესაჭიროება სპეციალური ცოდნა" - აღნიშნულია განცხადებაში.
ის, თუ რა ინფორმაციის მატარებელია ვახო ჩიქოვანის მობილური ჯერჯერობით უცნობია, თუმცა გამომძიებლებმა ვახო ჩიქოვანის საათი უკვე ამოიღეს. საათს უკვე ექსპერტიზა უტარდება. აღნიშნულ საკითხზე ამერიკის ფედერალური ბიურო მუშაობს .

თავად ვახო ჩიქოვანის ოჯახი იმაზე თუ რატომ წაშალა მან მობილური ტელეფონიდან ფაილები და მასალები აცხადებს, რომ ვახოს დასამალი არაფერის აქვს და იგი უდანაშაულოა.