"მალე გვექნება სიურპრიზი ობიექტური ჭეშმარიტების დასადგენად" - შაქარაშვილის საქმის ბრალდებულის ადვოკატებმა არაგვის ხიდთან საგამოძიებო ექსპერიმენტი ჩაატარეს

სამართალი - 10:41, 19 Aug, 2020

2068

მცხეთაში, არაგვის ხიდთან გიორგი შაქარაშვილის მკვლელობის საქმის გამოძების ფარგლებში, ბრალდებულის ადვოკატების მიერ საგამოძიები ექსპერიმენტი ჩატარდა.
ექსპერიმენტის მიზანი იყო დაედგინათ, შესაძლებელი იყო თუ არა რამდენიმე წუთში არაგვის ხეობაში ჩასვლა, ჩხუბი, მკვლელობა და შემდეგ უკან, მანქანაში დაბრუნება.ექსპერიმენტი მთელი ღამე გაგრძელდა და დილით 6 სთ-თვის დასრულდა.
ბრალდებული ვახტანგ ჩიქოვანის ადვოკატის, თეიმურაზ მაისურაძის განცხადებით, მცხეთაში, არაგვის ხიდთან ჩატარებულმა ექსპერიმენტმა დაადასტურა, რომ ფოტოგრაფ იაკობ ბრეგვაძის ჩვენებები ტყუილია.

“თუ მართლა ახლო მანძილში მისდევდნენ ამ სამ პიროვნებას, მაშინ მდევარი ადვილად დაინახავდა, ვინ სად დაიმალა, ვერ დაინახავდნენ შაქარაშვილს, საით გაიქცა. დაინახავდნენ ახვლედიანს და ამირხანაშვილს. არ გაეკიდებოდნენ იმას, ვისაც ვერ ხედავდნენ. ადვილად მიაგნებდნენ როგორც ამირხანაშვილს, ისე ახვლედიანს. კიდევ ერთი ექსპერიმენტი ხილვადობის არქონის გამო პრაქტიკულად შეუძლებელია. არაგვის ხიდის ქვეშ არაფერი არ ჩანს. თუ შაქარაშვილი იქ ჩავიდოდა, ის აუცილებლად დაგორდებოდა, დაუზიანდებოდა პერანგი , ხელები, თავი, რასაც არცერთი ექსპერტიზა არ ადასტურებს. შაქარაშვილი მდინარის პირას ვერ მივიდოდა. გამაოგნებელია ეს დრამატურგია გამოძიების, რომ წყალში უნდა შეხვიდე, რომ ჩანთა დადო ჯებირზე. გამოდის, რომ შაქარაშვილი წყალში შევიდა და ჯებირზე, მაღლა დადო ჩანთა?

იცოდნენ, რომ ეს არაა ამომწურავი ექსპერიმენტი, სულ მალე გვექნება სიურპრიზი ობიექტური ჭეშმარიტების დასადგენად”, - განაცხადა მაისურაძე.