შუახევში, საპენსიო სააგენტოს თანამშრომელი, ნოდარ დავითაძე სასტიკად სცემეს და დააყაჩაღეს.

მამაკაცს დაახლოებით 7000 ათასი ლარი ჰქონდა, რომელიც პენსიის სახით სოფლებში უნდა დაერიგებინა.

ის სამსახურეობრივ მოვალეობას ასრულებდა, რა დროსაც ორი ნიღბიანი პირი დაესხა თავს.

ნოდარ დავითაძე ხეზე მიაბეს, სცემეს და ფული წაართვეს.

დაშავებული შუახევის კლინიკაშია გადაყვანილი.

“მამაკაცს სხეულზე დაჟეჟილობები აქვს, დაზიანებები ძირითადად ბლაგვი საგნითაა მიყენებული. მისი ჯანმრთელობის მდგომარეობა დამაკმაყოფილებელია, შესაძლოა, დღის ბოლოს კლინიკა დატოვოს. მამაკაცი კლინიკაში, დღეს 13:30 წუთზე შემოიყვანეს. მან თქვა, რომ ორი პირი თავს დაესხა, როდესაც პენსიას არიგებდა”,-განაცხადეს შუახევის კლინიკაში.