თელავის მუნიციპალიტეტის სოფელ სანიორეში მოსული ძლიერი წვიმის შედეგად ათამდე საცხოვრებელი სახლის პირველი სართულები, სარდაფები და ეზოები დაიტბორა.

ადგილობრივების განცხადებით, წვიმის წყალი სანიაღვრე არხებმა ვერ გაატარა, რასაც მისი საცხოვრებველ სახლებში შევარდნა მოჰყვა.

ადგილზე მობილიზებულია საგანგებო სიტუაციების მართვის სამსახურის ხუთი ეკიპაჟი.

მაშველები მოსახლეობას წყლის ამოტუმბვაში ეხმარებიან. ადგილობრივები ამბობენ, რომ წლებია, უხვი ნალექის დროს სახლები ყოველთვის ეტბორებათ, რადგან გაწმენდილია არ არის ცენტრალური შემკრები, ხოლო სანიაღვრე არხებს გაფართოება სჭირდებათ.

_{ფოტო: 1 არხი}