გამომძიებლები თოფაძეების სახლში იმყოფებიან და ლევან თოფაძეს კითხავენ. ჯანმრთელობის მდგომარეობის გამო მისი გამოკითხვა ფიზიკური დაპირისპირების შემდეგ მხოლოდ ახლა გახდა შესაძლებელი.

თოფაძის დაჭრის ფაქტზე დაკავებულ ბუსა ჟვანიას კი შესაძლოა, ბრალი შეუმსუბუქდეს. ეს დამოკიდებულია ლევან სამხარაულის ექსპერტიზის ბიუროს დასკვნაზე, რომელმაც უნდა დაადგინოს რამდენად მძიმე დაზიანებები მიაყენა ჟვანიამ თოფაძეს.

როგორც ლევან თოფაძის მამა ირაკლი თოფაძე აცხადებს, მოლაპარაკებები ჟვანიას ოჯახთან არ ყოფილა.

"არანაირი მოლაპარაკებები ყოფილა. ქალბატონი ნინო მობრძანებული იყო მამაჩემთან, ბოდიში მოიხადა", - განაცხადა თოფაძის მამამ.

გოგი თოფაძე კი აცხადებს, რომ შესაძლოა, მის შვილიშვილს შესაძლოა კიდევ ერთი ოპერაცია დასჭირდეს.