სატრანსპორტო კომპანია "გლობუსის" წარმომადგნლები თავდასხმას შურისძიებას უკავშირებენ. მათი თქმით, კონკურენტი საქალაქთაშორისო ტრანსპორტის წარმომადგენლები მათ მგზავრებს ფიზიკურად მხოლოდ იმიტომ უსწორდებიან, რომ სამგზავროდ "გლობუსის" ტრანსპორტს ირჩევენ.
"მიზანმიმართული იყო, ეს იყო გამიზნული მძღოლზე, რომ მძღოლი დაბნეულიყო და მომხდარიყო ავტოსაგზაო შემთხვევა. მიჰყავდა 30 კაცი და 30-ვე ადამიანს ემუქრებოდა საფრთხე. რა თქმა უნდა, კონკურენციაა, ჩვენი ავტობუსები არის გამართული, მოწესრიგებული ავტობუსები. ჩვენს კონკურენტებს ეს არ აწყობთ, ამიტომ მიდის ჩვენზე თავდასხმა, ეს არის მეორედ მომხდარი ფაქტი უკვე" - ამბობს ავტოსატრანსპორტო კომპანიის წარმომადგენელი.
შემთხვევის შემდეგ თავდამსხმელები გაიქცნენ და ავარიაში მოყვნენ, ისინი საავადმყოფოში არიან გადაყვანილები.
ცნობისთვის, ზუგდიდი-თბილისის მიმართულებით მოძრავ ავტობუსს უკვე მეორედ დაესხნენ თავს. მსგავსი შემთხვევა იმავე კომპანიის კუთვნილ ავტობუსზე 9 ივლისსაც მოხდა.
როგორც "ნიუპოსტს" შს სამინისტროში განუცხადეს, დაზიანებისა და შემდგომ მომხდარი ავტოსაგზაო შემთხვევის ფაქტზე შს სამინისტომ გამოძიება ორი მუხლით დაიწყო. გამოძიება სს კოდექსის 187- ე -ნივთის დაზიანებისა ან განადგურებისა და 276-ე - ტრანსპორტის მოძრაობის უსაფრთხოების ან ექსპლუატაციის წესის დარღვევის მუხლით მიმდინარეობს.
მომხდართან დაკავშირებით, ამ ეტაპზე არავინ დაუკავებიათ.
მასალის გამოყენების პირობები