როგირც "ნიუპოსტს" თოფაძის ახლობლები პირად საუბრებში უყვებიან, "ბუსა ჟვანია, ლევან თოფაძეს მაკრატლით გაუსწორდა".
ფაქტზე ყოფილი პრემიერ-მინისტრის ზურაბ ჟვანიას შვილი გუშინვე დააკავეს.
ამის პაერალელურად, სისხლიანი დაპირისპირების შესახებ დამაებითი ცნობები ვრცელდება.
ერთ-ერთი ვერსიით, კონფლიქტი მთაწმინდის ტერიტორიაზე, ფესტივალ „მზესუმზირაზე“ დაიყო.
ბუსა ჟვანიას გაღიზიანება კი ფესტივალზე უთანხმოება კი ლევან თოფაძისა და ზურაბ ჟვანიას ვაჟის, ყოფილი შეყვარებულის გამოჩენამ გამოიწვია და პირველი ინცინდენტიც სწორედ მთაწმინდაზე მოხდა.
სიტყვიერი დაპირისპირებისა და ძიძგილაობის შემდეგ, ლევან თოფაძე მეგობრებთან ერთად ვაკეში, მის საცხოვრებელ სახლში წავიდა, რის შემდეგაც მას ბუსამ დაურეკა და მასთან შეხვედრა გადაწყვიტა. დაჭრა სწორედ ჭავჭავაძის 73-ში მოხდა.
შეგახსენებთ, რომ გუშინ ვაკეში ბიზნესმენ გოგი თოფაძის შვილიშვილი ლევან თოფაძე დაჭრეს.
ბიზნესმენი გოგი თოფაძე საკუთარი შვილიშვილის დაჭრასთან დაკავშირებით ვაკის პოლიციის პირველ განყოფილებაში გამოკითხვაზეა დაბარებული. ასევე მეორედ გამოიკითხება გოგი თოფაძის მეუღლე.
როგორც თოფაძე აცხადებს, მისი შვილიშვილის მდგომარეობა ექიმების თქმით, დამაკმაყოფილებელია, თუმცა შესაძლოა მას კიდევ დასჭირდეს რამდენიმე ოპერაცია.
არსებული ინფორმაციით, დაჭრილია თავად ბუსა ჟვანიაც.
"ბუსა ჟვანიამ თვითონ მიიყენა თუ სხვამ მიაყენა დაზიანება ამასთან დაკავშირებით ინფორმაცია არ მაქვს. ლევანს არ მიუყენებია ჭრილობა. ჩემი ინფორმაციით, ის არ გამოკითხულა. მე როგორც ვიცი არ აღიარებს დანაშაულს," - განაცხადა ადვოკატმა გიორგი ანთაძემ.
მასალის გამოყენების პირობები