5 გასროლა და დაცხილული ავტომობილი - ვინ და რატომ ესროლა ლერი სულაბერიძეს (უახლესი ინფომაცია)

სამართალი - 11:01, 29 Jul, 2020

2605

ვაკის პოლიციასთან საგამოძიებო მოქმედებები მიმდინარეობს. ექსპერტ- კრიმინალისტები ლერი სულაბერიძის ავტომანქანას ათვალიერრებენ, რომელიც გუშინ, წყნეთის გზაზე, კაკლებთან ჩაცხრილეს.

საგამოძიებო მომედებებს თავად სულაბერიძეც ესწრება.

სულაბერიძის კუთვნილ "მერსედესის" მარკის ავტომობილს ნატყვიარები აღენიშნება.

მედიამ ადგილზე შენიშნა "დოჯის" მარკის ავტომანქანაც. ეს სავარაუდოდ ის ავტომობილია, საიდანაც ცეცხლი გახსნეს.

არსებული ინფორმაციით, ავტომობილის სანომრე ნიშნები სწორედ ყოფილმა სპორტსმენმა მიუთითა სამართალდამცავებს, თუმცა უცნობია დააკავა თუ არა ვინმე პოლიციამ.

ლერი სულაბერიძე მომხდარის მოტივზე არ საუბრობს. მისი თქმით, მისი მისამართით 5 გასროლა განხორციელდა, ავტომობილს კი 2 მოხვდა. თავად სულაბერიძე არ დაშავებულა.

ერთ-ერთი ვერსიით, ლერი სულაბერიძეზე თავდასხმის მიზეზი საფეხბურთო კლუბ „თბილისის დინამოს“ გარშემო მიმდინარე დავაა, რომელიც წლებია გრძელდება.

როგორც ცნობილია, სულაბერიძეს რამდენიმე წლის წინაც დაესხნენ.

ამასთან, ვაკის პოლიციაში გამოჩნდა ადვოკატი კახა წერრეთელი. ადვოკატი კომენტარს არ აკეთებს ვის ინტერესებს იცავს, თქვა მხოლოდ ის რომ, მისი დაცვის ქვეშ მყოფი დაკავებული არ არის.

შინაგან საქმეთა სამინისტროში დამატებით დეტალებზე არ საუბრობენ. უწყებაში "ნიუპოსტს" გუშინ განუცხადეს, რომ მომხადრთან დაკავშირებით გამოძიება დაწყებულია 19-108 მუხლით, რომელიც განზრახ მკვლელობის მცდელობას გულისხმობს, ასევე დაწყებულია 236-ე მუხლით, რაც ცეცხლსასროლი იარაღის მართლსაწინააღმდეგოდ შეძენა, შენახვა, ტარებას გულისხმობს.