თამარ ბაჩალიაშვილი ინსცენირებული თვითმკვლელობის მსხვერპლი გახდა? - " თეორიულად ამის შანსი, რა თქმა უნდა, არსებობს"

სამართალი - 18:22, 25 Jul, 2020

8862

დამოუკიდებელი ექსპერტები არ გამორიცხავენ, რომ თამარ ბაჩალიაშვილი ინსცენირებული თვითმკვლელობის მსხვერპლი გამხდარიყო.

მარიამ ჯიშაკრიანი ამბობს, რომ ახლა ექსპერტიზამ უნდა დადგინოს, როგორ მოხვდა გოგონას სხეულში სავარუდო ნივთიერება, რომელმაც სიკვდილი გამოიწვია და მონაწილებდა თუ არა ინსცენირებულ თვითმკვლელობაში, ვინმე სხვა პირი.

"თუნდაც იყოს ინექცია, აღებულია გარკვეული მასალა და ამას ტოქსიკოლოგიური ექსპერტიზა აჩვენებს. თეორიულად ამის შანსი, რა თქმა უნდა, არსებობს. მაგრამ ეს ყველაფერი დამოკიდებული იქნება სისხლის სამართლის საქმის მასალებზე, გამოძიების მასალებზე და თუკი რაიმე ეჭვი არსებობს საერთოდ მკვლელობის, ეს უნდა იყოს საქმის მასალებში. იპოვეს გარკვეული პრეპარატი და შემოწმდება, ეს პრეპარატია ზუსტად თუ არა, რაც არის გარდაცვალების მიზეზი. ზედაპირული დაზიანებები მას რომ ჰქონოდა იგივე ახალი, სისხლნაჟღერები თუ ინექციის კვალი თუ რაიმე სხვა სახის ასე ვთქვათ სამედიცინო მანიპულაციის კვალი. ჩვენ ვერ ვიტყვით ამის თაობაზე ვერაფერს. იმ შემთხვევაში თუ ეს ადრე გამოჩნდებოდა, რა თქმა უნდა, სავარაუდოდ, შესაძლებელი იქნებოდ ამ მიმართულებით უფრო მეტი მსჯელობა", - ამბობს მარიამ ჯიშკარიანი.