რა ვითარებაში იპოვა მწყემსმა 23 წლის გარდაცვლილი გოგოს მანქანა

რა ვითარებაში იპოვა მწყემსმა 23 წლის გარდაცვლილი გოგოს მანქანა - ორუჯ მუსაევის მამის პირველი კომენტარი

სამართალი - 15:05, 23 Jul, 2020

4795

ბაჩალიაშვილის საქმე - 16 წლის მწყემსის ორუჯ მუსაევი მამა, ფირბალე მუსაიოვი ტელეეთერიდან პირველად იხსენებს რა ვითარებაში იპოვა მისმა შვილმა 23 წლის გარდაცვლილი გოგონას ავტომობილი.

მამაკაცი არ გამორიცხავს, რომ თამარ ბაჩალეიშვილის მანქანა ტყესთან მიიყვანეს.

მისი თქმით, შვილმა მომხდარი მას შეატყობინა, მან კი ნაცნობ პოლიციელთან ჯიმშერ აფციაურთან დარეკა და მომხდარი უამბო.

"შვილმა მითხრა, რომ მანქანა ვიპოვეო. დავურეკე პოლიციელ აფციაურს. გუშინწინ ამ ტერიტორიაზე მანქანა არ დამინახავს, გუშინ ნახა ჩემმა შვილმა. მანქანა ვიცანი, რადგან ტელევიზიით აცხადებდნენ, რომ ეძებდნენ. 50 მეტრის დაშორებით იყო ჩემი შვილი, პოლიციამ მას უთხრა ნომერი ეკარნახა, რომ უკარნახა უთხრეს, ახლოს არ მისულიყო"- აცხადებს მწყემსის მამა.

თეთრიწყაროს პოლიციის განყოფილებაში ირწმუნებოდნენ, რომ მწყემსმა, რომელმაც ბაჩალიაშვილის მანქანა იპოვა, პირდაპირ 112-ში დარეკა. არასრულწლოვნის მამა კი აღნიშნავს, მან დაურეკა პოლიციელ აფციაურს.

ცნობილია, რომ ახალგაზრდა ქალი მისივე მანქანაში, უკანა სავარძელში, ჰორიზონტალურ მდგომარეობაში, გარდაცვლილი გუშინ იპოვეს.

გუშინვე გავრცელდა ცნობა, რომ ბაჩალიაშვილის ავტომობილს მწყემსმა მიაგნო და პოლიციას დაუკავშირდა.

ცნობილია მწყემსის ვინაობაც - ის 16 წლის ორუჯ მუსაევია.