რამდენჯერმე გამოძიებასთან შეთანხმებით, მიზანმიმართულად გავავრცელე მცდარი ინფორმაცია

რამდენჯერმე გამოძიებასთან შეთანხმებით, მიზანმიმართულად გავავრცელე მცდარი ინფორმაცია - მირიან ნიკოლაძე

სამართალი - 22:59, 22 Jul, 2020

8238

რამდენჯერმე გამოძიებასთან შეთანხმებით, მიზანმიმართულად გავავრცელე მცდარი ინფორმაცია - ამის შესახებ გარდაცვლილი ფეხბურთელის, გიორგი შაქარაშვილის ბიძამ, მირიან ნიკოლაძემ "პალიტრანიუსის" ეთერში, გადაცემა „360 გრადუსში“ განაცხადა.
ნიკოლაძის თქმით, მისი მიზანი იყო „გარკვეული პირების ერთგვარი ტესტირება მომხდარიყო“

„როგორც კი რაღაცას ვიძახი, როგორც მტკიცებულებას, მაშინვე იწყება კონტრპოზიციების გაჟღერება ან წინასწარ თადარიგების დაჭერა. მეტსაც გეტყვით, რამდენჯერმე გამოძიებასთან შეთანხმებით, მიზანმიმართულად გავავრცელე მცდარი ინფორმაცია. მიზანი ის იყო, რომ როდესაც ოჯახის პოზიციის კომენტირების ხარისხი ვიცოდით, იქ ასევე ვიცოდით რეაგირებები, რა როგორ ხდებოდა, პულსზე გვიდევს ხელი. ამიტომ, რაღაც ეტაპებზე ჩავთვალეთ, რომ ამით შეიძლება, გარკვეული პირების ერთგვარი ტესტირება მომხდარიყო და სათანადო ინფორმაცია მიგვეღო, ამასაც კი ვაკეთებთ, რომ ოღონდ შედეგი იყოს ისეთი, რომ სალაპარაკო არ გახდეს, თითქოს ოჯახს უნდა ვიღაცის განზრახ მკვლელობით დასჯა და ასეთი ფაქტი არ ყოფილა“, - აღნიშნა ადვოკატმა „პალიტრანიუსის“ გადაცემა „360 გრადუსში“.