19 წლის ფეხბურთელის საქმე - საქართველოს გენერალურმა პროკურატურამ გიორგი შაქარაშვილის საქმეზე დახმარებისთვის ამერიკის შეერთებულ შტატებს მიმართა. „ტვ პირველის“ ცნობით, ოფიციალური მიმართვა 15 ივლისით თარიღდება.

კერძოდ, პროკურატურა აშშ-ის შესაბამის სტრუქტურებს მიმართავს თხოვნით, „ფეისბუქიდან“ და „ინსტაგრამიდან“ შაქარაშვილის საქმის მონაწილე 30 პირის მიმოწერა, რომელიც შესაძლოა მათი მობილურებიდან წაშლილი იყოს.

აღსანიშნავია, რომ შსს-ში შაქარაშვილის საქმესთან დაკავშირებით სოციალური ქსელების შემოწმების მიზნით ბოლო დღეებში რამდენიმე ადამიანი დაიბარეს, მათ შორის საბედისწერო წვეულების იუბილარი ანა გაბეჩავა.