ავარია თელავი-შუამთის გზაზე -დაშავებულია სამი ადამიანი.

არსებული ინფორმაციით, ერთმანეთს საპირისპირო მიმართულებით მოძრავი "ნისანის" მარკის ავტომანქანა და "ფორდის" სატვირთო შეეჯახა.

თვითმხილველების თქმით, შეჯახება იმდენად ძლიერი იყო, რომ სატვირთო საშუალება გზის სავალი ნაწილიდან გადავიდა და ამობრუნდა.

დაშავებულები შუახნის კაცები არიან, მათ შორის ერთი მძღოლია.

ისინი თელავის რეფერალურ საავადმყოფოში გადაიყვანეს და ამ წუთებში გამოკვლევა უტარდებათ.

აადგილზე სამაშველო ჯგუფები, სასწრაფო დახმარება და პოლიცია იყო მობილიზებული.