ცხეთაში მომხდარ მკვლელობაზე ახალი დეტალები ხდება ცნობილი. ადგილობრივები აცხადებენ, რომ მათი ინფორმაციით, ახალგაზრდა მამაკაცმა მამა და ბაბუა მოკლა, დანაშაულის ჩადენის შემდეგ კი მეზობლის მანქანა გაიტაცა და მიიმალა.

„ყელი გამოჭრა ორივეს და შემდეგ გაიქცა“,-ამბობენ მეზობლები.

მათივე ინფორმაციით, მკვლელობა ურთიერთშელაპარაკების ნიადგაზე მოხდა.

ადგილობრივების თქმით, მკვლელობის დროს ოჯახის ორივე წევრს ეძინა.

როგორც ირკვევა, მკვლელობაში ბრალდებული 28 წლის კაცი ციხიდან, რამდენიმე დღის წინ გამოვოდა.

მამაკაცი სასჯელს მკვლელობისთვის იხდიდა. ბრალდებულმა გაქცევა მოასწრო.

შეგახსენებთ, მცხეთაში 2 პირის მკვლელობის შესახებ ინფორმაცია გუშინ გავრცელდა. გამოძიება სისხლის სამართლის კოდექსის 109-ე მუხლის მესამე ნაწილით დაიწყო, რაც ორი ან მეტი პირის დამამძიმებელ გარემოებებში განზრახ მკვლელობას გულისხმობს.

ექსპერტ-კრიმინალისტები შემთხვევის ადგილზე გვიან ღამემდე მუშაობდნენ.