შაქარაშვილის საქმის სკანდალური გაგრძელება:"რეალურად იქ მივიდა მესამე მანქანა და კვალის დაფარვას შეეცადა"

შაქარაშვილის საქმის სკანდალური გაგრძელება:"რეალურად იქ მივიდა მესამე მანქანა და კვალის დაფარვას შეეცადა" - ბრალდებული ძიუდოისტის ადვოკატი

სამართალი - 13:30, 06 Jul, 2020

1345

გიორგი შაქარაშვილის საქმეზე ბრალდებული „მერსედესის“ მძღოლის, ძიუდოისტ გიორგი ტატიაშვილის ადვოკატი გიორგი ყიფშიძე აცხადებს, რომ დანაშაულის მონაწილეებს დაეხმარნენ და შემთხვევის ადგილზე რეალურად მესამე ავტომანქანაც მივიდა, რომელიც კვალის დაფარვას შეეცადა.
ადვოკატმა შემთხვევის ადგილიდან ამოღებულ ჩანთაზეც ისაუბრა და განაცხადა, რომ ჩანთა ადგილზე განზრახაა დადებული.

„ცალსახად ვფიქრობ, რომ რეალურად იქ მივიდა მესამე მანქანა და შეეცადა კვალის დაფარვას. ცალსახად ამ საქმეში რაღაც განსაკუთრებული, სპეციალური ჯგუფის არსებობას გამოვრიცხავ. ჩემი შეხედულებით ვფიქრობ, რომ ეს ადამიანები არიან ვინც ზოგადად დაეხმარნენ დანაშაულში მონაწილეებს, კვალი დაეფარათ, მაგრამ მე აქ იმ კუთხით არ ვგულისხმობ, რომ ესენი იყვნენ დავუშვათ, სამართალდამცავები, ან ვინმე მსგავსი. მე ამ ეტაპზე ამას საერთოდ გამოვრიცხავ. ცალსახად ჩანთის დადების ნაწილთანაც ვაკავშირებ ამ კვალის დაფარვას, რადგან თუ ეს ჩანთა ზოგადად დადებულია და მე ვფიქრობ, რომ დადებულია, ეს აშკარად არის გაკეთებული უნიჭოდ, რადგან ჩვენ თუ ვამჩნევთ იმას, რომ ეს კითხვისნიშნები არის, შესასბამისად, აშკარად არაპროფესიონალის ნამუშევარია ეს, თუ მართლა ნამუშევარია“, - განაცხადა გიორგი ყიფშიძემ "მთავარის" პრესკლუბში გამართულ პრესკონფერენციაზე.