"დანით დაჭრეს, მერე თავში რკინა ურტყეს" - დმანისში მომხდარ მკვლელობაზე ახალი დეტალები ხდება ცნობილი

კრიმინალი - 13:04, 04 Jul, 2020

1638

დმანისში მომხდარ მკვლელობაზე ახალი დეტალები ხდება ცნობილი - 19 წლის ბიჭს, თავში მძიმე საგანი ჩაარტყეს და ცივი იარაღით ჭრილობები მუცლის არეში მიაყენეს.

არსებული ინფორმაციით, ახალგაზრდას, მეზობელი სოფლის 5 კაციანი დაჯგუფება დაუპირისპირებდა.

ბრალდებულის მამა, მომხდარზე სინანულს გამოთქვამს და გარდაცვლილის ოჯახს ბოდიშს უხდის.

"სამწუხაროდ ეს უბედური შემთხვევა ნამდვილად ჩვენს თავს დატრიალდა. ნამდვილად არ გვინდოდა ასე მომხდარიყო. როგორც ვიცი, ჩემი შვილი პოლიციის განყოფილებაში წაიყვანეს დაპირისპირება სავარაუდოდ ჩვენი ნათესავი გოგოს გამო მოხდა...განადგურებული ვარ...გარდაცვლილის ოჯახს ბოდიშს ვუხდი" - ამბობს დაკავებულს მამა

ადგილობრივების ვარაუდით, ბრალდებულის ბიძაშვილის გარდაცვლილი ბიჭი ემესიჯებოდა და სწორედ ეს გახდა დაპირისპირების მიზეზი.

მოკლული ბიჭის ოჯახი ჩხუბში მონაწილე ყველა პირის დასჯას ითხოვს. მოკლულის ახლობლები ამბობენ, რომ 19 წლის ახალგაზრდას რამდენიმე ადამიანი სასტიკად გაუსწორდა .

"ჩემი შვილი უდანაშაულოდ მოკლეს. ამ საქმეში მხოლოდ ერთი პირი არ მონაწილეობდა. ორი მანქანით ბიჭებმა სოფლის გასასვლელში ჯერ იქეიფეს, მერე ჩემი შვილი დაიბარეს. უბედურებაც აქ მოხდა. დანით დაჭრეს, მერე თავში რკინა ურტყეს" - ამბობს მოკლულის მამა.

დმანისში მომხდარ მკვლელობაზე შსს-მ გამოძიება განზრახ მკვლელობის, 108-ე მუხლით დაიწყო, რაც 7-დან 15 წლამდე ვადით პატიმრობას ითვალისწინებს.