მკვლელობა ფოთში - 44 წლის ვაჟა ტყებუჩავას სიტყვიერი შეურაცხყოფისთვის ე.წ. კანონიერი ქურდები გაუსწორდნენ.

ირკვევა, რომ მამაკაცს ჯერ ხელკეტებით სცემეს, შემდგ კი ესროლეს. ამოღებულია სათვალთვალო კამერების ჩანაწერები, თუმცა გამოძიებას დაკავებული ჯერ არ ჰყავს

"ქალა ტვინის დახურული ტრავმა, თვალ-ბუდის დაზიანება, გულ-მკერდის დაზიანება, ასევე შემავალი ჭრილობა მუხლებისა და წინამხრის არეში, სავარაუდოდ ცეცხლსასროლი იარაღით მიყენებული" - ამბობს ექიმი.

პირველი თავდასხმა ტყებუჩავაზე პოლიციის შენობის მიმდებარე ტერიტორიაზე, საღამოს 7 საათისთვის მოხდა, ამის შემდეგ კიიგი ხუთმა პიროვნებამ მანქანაში ჩაისვა და სხვა ადგილას წაიყვანა. ტყებუჩავას სასტიკად 5 ადამიანი გაუსწორდა. ის ხელკეტებით სცემეს და ქუჩაში დატოვეს.მამაკაცის ცხედარი ამჟამად ექსპერტიზაზეა გადასვენებული.

44 წლის ახალგაზრდა ფოთში გუშინ მოკლეს. ადგილობრივები გაზრდილ კრიმინალზე საუბრობენ და ამბობენ, რომ ქალაქში დანაშაული ყოველდღიურად ხდება, თუმცა გამოუძიებელი რჩება.