პოლიციამ სვანეთში უკანონო ცეცხლსასროლი იარაღები ამოიღო

პოლიციამ სვანეთში უკანონო ცეცხლსასროლი იარაღები ამოიღო - დაკავებულია ერთი პირი

კრიმინალი - 12:15, 03 Jul, 2020

1247

სამართალდამცავებმა სვანეთში უკანონო ცეცხლსასროლი იარაღები ამოიღო, ინფორმაციას ამის შესახებ შსს ავრცელებს.
საგამოძიებო მოქმედებების შედეგად დაკავებულია 1981 წელს დაბადებული მამაკაცი.
"შინაგან საქმეთა სამინისტროს სამეგრელო ზემო-სვანეთის პოლიციის დეპარტამენტის მესტიის რაიონული სამმართველოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, 1981 წელს დაბადებული გ.ს. ცეცხლსასროლი იარაღის მართლსაწინააღმდეგო შეძენა-შენახვის ბრალდებით დააკავეს.
დანაშაული 3-დან 6 წლამდე ვადით თავისუფლების აღკვეთას ითვალისწინებს.
სამართალდამცველებმა, ოპერატიული ინფორმაციის საფუძველზე, ბრალდებულის საცხოვრებელი სახლის ჩხრეკისას, ნივთმტკიცების სახით ამოიღეს კალაშნიკოვის სისტემის „აკ-74”-ის მოდელის 2 ავტომატური ცეცხლსასროლი იარაღი, 3 მჭიდი, 72 საბრძოლო ვაზნა და სანადირო თოფი.
გამოძიება საქართველოს სისხლის სამართლის კოდექსის 236-ე მუხლის მე-3 ნაწილით მიმდინარეობს, რაც ცეცხლსასროლი იარაღისა და საბრძოლო მასალის მართლსაწინააღმდეგო შეძენას ან შენახვას გულისხმობს" - ნათქვამია ინფორმაციაში.