19 წლის ფეხბურთელის მკვლელობის საქმე და რამდენიმე სპეცოპერაცია თბილისში - პოლიციამ ახალგაზრდები დააკავა.

სპეცოპერაციები თბილისის სხვადასხვა უბანში გვიან ღამით ჩატარდა, თუმცა ჯერჯერობით შსს ინფორმაციას ოფიციალურად არ ადასტურებს.

მანამდე კი წუხელ გლდანის პოლიციაში ამოცნობის პროცედურა ჩატარდა. ერთერთმა მთავარმა მოწმემ - შაქარაშვილის მეგობარმა "ტოიოტა ქამრის" მგზავრები ამოიცნო.

პოლიციის განყოფილებაში ამოცნობაზე 4 მორაგბე იმყოფებოდა. ერთ ერთის ადვოკატი ამბობს, რომ მისი დაცვის ქვეშ მყოფი გამოძიებასთან თანამშრომლობის სურვილს გამოთქვამს.

"ბატონი გური მობრძანდა და ამოიცნო პიროვნება. ერთ ერთი, რომელიც ტოიოტას მარკის ავტომანქანაში იჯდა . ამას ჩვენც არ უარვყოფთ და ვადასტურებთ, რომ ეს პიროვენბა ჩვენს მანქანში იჯდა. რაც შეეხება იყო თუ არა არჩილ გაგნიძე, ამას არ დაგიდასტურებთ" - განუცხადა ჟურნალისტებს ადვოკატმა, ალექსანდრე კობაიძემ.