სპეცოპერაცია ქუთაისში - სამხედრო დიდების მუზეუმის თანამშრომელი უამრავი ხალხის წინ აიყვანეს

კრიმინალი - 16:48, 24 Jun, 2020

2587

სახელმწიფო უსაფრთხოების სამსახურმა ქუთაისში, წერეთლის ქუჩაზე სპეცოპერაცია ჩაატარა - დაკავებულია ერთი პირი.

თვითმხილველების თქმით, მამაკაცს ხელბორკილები უამრავი ადამიანის თანდასწრებით დაადეს და ავტომობილით გაურკვეველი მიმართულებით წაიყვანეს.

თვითმხილველების მონაყოლის თანახმად, დაკავებულს სამართალდამცველებისთვის წინააღმდეგობა არ გაუწევია.

როგირც ირკვევა სუს-ის მიერ დაკავებუკლულია 60 წლის ბეჟან ხურციძე. ის ქუთაისის მერიის დაქვემდებარებული ერთ-ერთი ააიპ-ისა და სამხედრო დიდების მუზეუმის თანამშრომელია. აღნიშნულ ფაქტს ადასტურებენ ქუთაისის მერიაშიც, თუმცა ხურციძის თანამშრომლებს დაკავების დეტალებზე ინფორმაცია არ აქვთ.

სუს-ში კი აცხადენენ, რომ სახელწიფო უსაფრთხოების სამსახურის ანტიკორუფციული სააგენტოს თანამშრომლებმა, გატარებული ოპერატიულ-სამძებრო და საგამოძიებო მოქმედებების შედეგად, 24 ივნისს თაღლითობის მცდელობის ფაქტზე, ქუთაისის მერიის ა(ა)იპ „ქალაქ ქუთაისის კულტურულ, სახელოვნებო, საგანმანათლებლო დაწესებულებათა გაერთიანების“ თანამშრომელი დააკავეს.

სახელმწიფო უსაფრთხოების სამსახურში ამბობენ, რომ გამოძიებით დგინდება, რომ ბრალდებულმა, მოქალაქეს ქუთაისის მერიაში მუშაობის დაწყების სანაცვლოდ 800 ლარი მოსთხოვა, საიდანაც თანხის ნაწილი 400 ლარი წინასწარ გამოართვა.

„გამოძიებას მიმდინარეობს, თაღლითობის მცდელობის ფაქტზე, რასაც შესაძლოა მნიშვნელოვანი ზიანი გამოეწვია, რაც სასჯელის სახით თავისუფლების აღკვეთას 4-დან 7 წლამდე ვადით ითვალისწინებს. გამოძიებას აწარმოებს სახელმწიფო უსაფრთხოების სამსახურის ანტიკორუფციული სააგენტო“, - ნათქვამია ინფორმაციაში.