აბაშის მუნიციპალიტეტის სოფელ მარანთან რკინიგზაზე მომხდარი ავარიის გამო მიმოსვლა რამდენიმე საათით შეწყდა, თუმცა, ამ დროისთვის უკვე აღდგენილია.

სატვირთო შემადგენლობა, რომელსაც ნავთობი გადაჰქონდა, რკინიგზის რელსებიდან გადავიდა, რასაც ნავთობის დაღვრა და ხანძარი მოჰყვა.

შემთხვევის ადგილზე მობილიზებული იყო პოლიცია და სახანძრო რაზმები, ცეცხლის ლოკალიზება მალევე მოხერხდა.

ლიანდაგიდან სულ ორი ვაგონი გადავიდა და როგორც შსს-ს სამაშველო სამსახურმა განაცხადა, ზარალი მინიმალურია, რადგან ნავთობი მცირე რაოდენობით დაიღვარა. ამ დრომდე დაუდგენელია, რომელ კომპანიას ან კერძო პირს ეკუთვნოდა ნავთობი და საიდან სად გადაჰქონდათ იგი.

შენიშვნა: ფოტოილუსტრაცია