კრიმინალური გარჩევა და ანგარიშსწორება თბილისში: "ხუთი მანქანით იყვნენ..."

კრიმინალური გარჩევა და ანგარიშსწორება თბილისში: "ხუთი მანქანით იყვნენ..." - ბაგებში მომხდარი სროლის დეტალები

კრიმინალი - 21:47, 03 Jun, 2020

1728

შეიარაღებული დაპირისპირება ბაგებში - "ნიუპოსტის" ინფორმაციით, შემთხვევას წინ უძღვოდა ურთიერთშელაპარაკება, რასაც გასროლა მოჰყვა. არსებული ინფორმაციით არიან დაჭრილები.
როგორც მეზობლები ჰყვებიან. შემთხვევის ადგილზე 5 მანქანით იყვნენ მამაკაცები მისული, რასაც ხმაურიანი დაპირისპირება ახლდა თან, ამის შემდეგ იყო გასროლის ხმა. საცხოვრებელი კორპუსისი აივნიდან თვითმხილველმა მეზობლებს მოუწოდა პატრულში დაერეკათ, ხმაურის დროს მამაკაცები ჩაასხდნენ მანქანაში და ტერიტორიას გაეცალნენ.
"რამდენიმე გასროლა გავიგეთ... ნაგვის ურნებთან მოხდა, ორი გასროლა გავიგეთ. შორს არის და კარგად არ ჩანდა ვინ იყვნენ. როცა დავყვირეთ, მანქანები დაძრეს და წავიდნენ.5-6 მანქანა იქნებოდა" - ჰყვება ადგილობრივი.
როგორც “ნიუპოსტს” შინაგან საქმეთა სამინისტროში განუცხადეს, გამოძიება სისხლის სამართლის კოდექსის 117-ე (ჯანმრთელობის განზრახ მძიმე დაზიანება) და 236-ე (ცეცხლსასროლი იარაღის მართლსაწინააღმდეგო შეძენა-შენახვა-ტარება) მუხლებით დაიწყო. შემთხვევის შესახებ დამატებითი დეტალები ამ დრიოსთვის უცნობია.