პეტრე პავლენსკიმ - პეტერბურგელმა მხატვარმა, რომელიც ცნობილია ხმაურიანი აქციებით, დღეს წითელ მოედანზე მორიგი აქცია გამართა:

პოლიციის დღისადმი პროტესტის ნიშნად, რომელიც რუსეთში დღეს აღინიშნება, პავლინსკიმ წითელ მოედანზე, სრულიად შიშველმა, სათესლე პარკი ქვაფენილზე დაიჭედა.

აქცია 13:00 საათზე დაიწყო, 14:30 წუთზე კი მხატვარი სასწრაფო დახმარების მანქანით პირველ საავადმყოფოში გადაიყვანეს, საიდანაც, სავარაუდოდ, დაკითხვაზე მიიყვანენ.

პავლინსკის მხრიდან ეს პირველი ხმაურიანი აქცია არაა: 3 მაისს ის სანკტ-პეტერბურგში, საკანონმდებლო ორგანოს წინ, ასევე შიშველი, მავთულხლართშემოხვეული გაწვა.

აღსანიშნავია, რომ თვითმხილველებმა, რომლებმაც წითელ მოედანზე გამართული აქცია გადაიღეს, ვიდეო „იუთუბზე“ ატვირთეს, თუმცა, პორტალის ადმინისტრაციამ ის წესების დარღვევით გამოქვეყნებულად მიიჩნია და წაშალა.