ეროვნული ბანკის ოპერაცია ლარის გამყარებასთან დაკავშირებით - ეკონომისტები აცხადებენ, რომ ეს ქმედება გაუგებარი და ბუნდოვანია.

საუბარია 40 მილიონი დოლარის გაყიდვაზე. როგორც სპეციალისტები ამბობენ, სებ-ი სავარაუდოდ ლარის მკვეთრ გაუფასურებას ელოდება და თავს წინასწარ იზღვევს, თუმცა მათივე თქმით, ეს ქმედებები ბევრ კითხვას ბადებს, მათ შორის პოლიტიკურ ინტერესებთან დაკავშირებით.

"გაუგებარი ოპერაციაა იმიტომ რომ ლარი ბოლო დღეები მეტ-ნაკლებად სტაბილურია, იმიტომ რომ ყველა იმედით ველოდებით დონორებიდან რაღაცა დახმარებას...ელოდებიან მკვეთრ გაუფასურებას და წინსწრებით ცდილობენ ლარის გამყარებას" - აცხადებს ეკონომისტი გიგა ბედინეიშვილი.

ეკონომისტი პაატა შეშელიძე ამბობს, რომ ეროვნულმა ბანკმა უნდა ახსნას თუ რატომ იღებს მსგავს გადაწყვეტილებებს. მისი თქმით მსგავსი მეთოდები ყოველთვის ბადებს ეჭვს, რომ ეს არის შიდაკულუარული ინტერესები.

"ეროვნული ბანკი საკუთარიი შეხედულებით, რაღაც უცნობი წესებით იღებს გადაწყვეტილებებს. კარი იქნება თუ ახსნიან თუ როგორ იყენებენ ამ მეთოდებს ბუნდოვანია და ყოველთვის ბადებს ეჭვს, რომ ეს არის შიდაკულუარული ინტერესები, პოლიტიკური ინეტერსები, რაც ხანდახან ერთმანეთს ფარავს" - ამბობს ეკონომისტი პაატა შეშელიძე.

საქართველოს ეროვნულ ბანკში აცხადებენ, რომ ინტერვენციის მიზანი ლარის მერყეობის შემცირება და ბაზარზე დასტაბილურებაა. მსგავსი ოპერაცია კი წლის განმავლობაში ხუთჯერ შესრულდა და ჯამში ეროვნულმა ბანკმა 160 მილიონი დოლარი გაყიდა.