როგორც იცით გერმანელებმა მიიღეს გადაწყვეტილება, რომ პირველი ორი ჩემპიონატი განაახლონ და სეზონი დაასრულონ. ესპანური ფეხბურთის სამყაროც გერმანელების მსგავსად სეზონის დასრულებაზე ფიქრობს, თუმცა ამის ფონზე ერთი არასასიამოვნო სიახლე გავრცელდა ესპანურ პრესაში, რაც ჩემპიონატის მესვეურებმაც დაადასტურეს. როგორც ირკვევა, ორ ჩემპიონატში კორონავირუსი ხუთ ფეხბურთელს დაუდგინდა.

ფეხბურთელები ვარჯიშების განახლებამდე შეამოწმეს. ყველა მათგანის შემთხვევაში ვირუსს უსიმპტომო ხასიათი ჰქონდა. კლუბები ინფიცირებულების სახელებს არ ასახელებენ, რათა ესპანეთის კონფიდენციუალურობის კანონი არ დაარღვიონ.