ვერძი - ვერძებს მაისის თვეში მატერიალური წარმატება გ. მ ასტროლოგები გირჩევენ, უფრო მეტად დაკავდეთ შემოქმედებითი საქმიანობით და ინვესტიციები ხელოვნებაში ჩადოთ. პრობლემებიდან გამოსავალს მარტივად იპოვნით. თვის ბოლოსკენ ახალი სანაცნობო წრე გეყოლებათ, რომლებიც წარმატების მიღწევაში დაგეხმარებიან.

კურო - კუროებისთვის მაისი ძალიან აქტიური თვე იქნება. ცხოვრებაში განახლების, ახლის დასაწყისის ეტაპი გეწყებათ. სცადეთ ახალი ვარცხნილობა, განაახლეთ გარდერობი. გირჩევთ სასიყვარულო ურთიერთობასთან დაკავშირებით გადაწყვეტილებები ახლა არ მიიღოთ და ამ საკითხის მოგვარება გადადოთ. გელოდებათ კარიერული წარმატება.

ტყუპები - ტყუპებო, სასიყვარულო ურთიერთობაში მცირე წარუმატებლობა გელით. ეცადეთ, არ აჰყვეთ ემოციებს და გადაწყვეტილებები რაციონალურად მიიღოთ. იმუშავეთ პირადი დისციპლინის გამომუშავებაზე. კარი გაუღეთ ახალ შესაძლებლობებს, რადგანაც სამყარო უხვად დაგაჯილდოვებთ.

კირჩხიბი - მოსალოდნელია, რომ წარსულიდან ადამიანები შეგახსენებენ თავს, თუმცა მათ არ უნდა მისცეთ თქვენს ახალ ცხოვრებაში შემოსვლის საშუალება, რადგანაც ცხოვრების გართულების მეტს არაფერს მოგიტანენ. ახლა ყველაზე მეტად სულიერი სიმშვიდე გჭირდებათ, ხშირად დაკავდით მედიტაციით.

ლომი - ლომებო, ამ თვეში მიზნების მიღწევა უფრო გაგიმარტივდებათ და ოცნებასთან უფრო ახლოს მიხვალთ. კონცენტრირდით კარიერაზე. ყველაფერი გააკეთეთ პრობლემის დიპლომატიურად მოსაგვარებლად. კარგად დაფიქრდით, გაანალიზეთ რისკები და შემდეგ იმოქმედეთ.

ქალწული - მაისი ძალიან კარგი თვეა იმისთვის, რომ რაღაც ახლის სწავლა დაიწყოთ, ახალი ჰობი გაიჩინოთ და ცხოვრება უფრო საინტერესო გახადოთ. მოსალოდნელია, რომ თქვენი ავტორიტეტი აიწევს და გარშემო მყოფები უფრო მეტი პატივისცემით მოგექცევიან.

სასწორი - სასწორებო, საქმის კეთების დროს იყავით უფრო ყურადღებით. მოსალოდნელია, რომ შემოსავლის ახალი წყარო გამოგიჩნდებათ. თუ საყვარელი ადამიანი არ გყავთ, შესაძლოა, სრულიად მოულოდნელად ის გამოჩნდეს და მთელი ცხოვრება შეცვალოთ. თუ უკვე ურთიერთობაში ხართ, სტაბილურობას შეინარჩუნებთ.

მორიელი - მორიელებო, ასტროლოგები გირჩევენ, რომ ამ თვეში გასაჭირში მყოფებს დაეხმაროთ და სამყარო დაგაჯილდოვებთ, ახალ, წარმატების მომტან შესაძლებლობებს გამოგიგზავნით.

მშვილდოსანი - ყურადღება მიაქციეთ თქვენს ყოველდღიურ ჩვევებს და იზრუნეთ საკუთარი თავის განვითარებაზე. იქნებით იმაზე უფრო მეტად პრაქტიკულები ვიდრე ოდესმე და წარმატების მომტან გადაწყვეტილებებს მიიღებთ. გირჩევთ, რომ ყველა სიტუაციაში არ იყოთ უკომპრომისოები. შესაძლოა, რაღაცის დათმობა მოგიწიოთ, მაგრამ რეალურად, ეს გრძელვადიან პერსპექტივაში, წარმატებას მოგიტანთ.

თხის რქა - მაისი თქვენთვის მშვიდი ცხოვრების დროა. ეცადეთ დროის უმეტესი ნაწილი დასვენებას და განტვირთვას მოახმაროთ. გაერთეთ, აკეთეთ ის საქმე, რომელიც სიამოვნებას განიჭებთ.ასტროლოგები გირჩევენ, რომ არ წახვიდეთ რისკზე.

მერწყული - გირჩევთ, მთელი ყურადღება ოჯახისკენ მიმართოთ, თუმცა ასევე უნდა გამონახოთ დრო საკუთარ თავთან მარტო დასარჩენადაც. მოსალოდნელია, რომ გადააფასებთ ცხოვრების პრიორიტეტებს და ახალი მიზნები გაგიჩნდებათ. გაუგეთ საკუთარ თავს, თუ გინდათ, რომ სხვებსაც ესმოდეთ თქვენი.

თევზები - თავდაჯერებულობის ნაკლებობას განიცდით და ეს მაისში შესაძლოა მთავარი გამოწვევა იყოს თქვენთვის. საქმეს შემოქმედებითად მიუდექით, ნუ დაეჭვდებით შესაძლებლობებში, რადგანაც წარმატების მიღწევის უზარმაზარი პოტენციალი გაქვთ.