სახელმწიფო უსაფრთხოების სამსახურში მომხდარი სავარაუდო თვითმკვლელობის დამატებითი დეტალები ხდება ცნობილი.

გარდაცვლილის ახლობლეს არ სჯერათ, რომ მამაკაცმა თავი მოიკლა და მას დადებითად ახასიათებენ.

გარდაცვლილი კაცის მეზობლები და ახლობლები ასევე აღნიშნავენ, რომ ის შინაგან საქმეთა მინისტრის, ვახტანგ გომელაურის ახლო მეგობარი იყო და სუს-ში მუშაობა სწორედ იმ პერიოდში დაიწყო, როდესაც უწყებას გომელაური ხელმძღვანელობდა.

"არ მჯერა, რომ ეს პიროვნება ასეთ გარემოებაში გარდაიცვალა. ძალიან კარგი პიროვნება იყო. ვახტანგ გომელაურის ახლობელი. თვითმკვლელობის ვერსიის არ მჯერა", - ამბობს ერთ-ერთი ახლობელი.

უბედური შემთხვევის ვერსიას ემხრობა გარდაცვლილის კიდევ ერთი მეზობელი.

"გომელაურის სულიერი ძმა იყო. უფრო მეორე ვერსიას ვემხრობი. მჯერა, რომ იარაღს წმენდდა და მაგ დროს მოხდებოდა. მაგრამ იარაღს თვითონ არ ატარებდა", - აცხადებს მეზობელი.

შეგახსენებთ, რომ დღეს სახელმწიფო უსაფრთხოების სამსახურის თანამშრომელმა, რომელიც ლოჯისტიკის დეპარტამენტში მუშაობდა, სავარაუდოდ, თავი მოიკლა. ის საკუთარ კაბინეტში იპოვეს გარდაცვლილი.