საზარელი ავარია კომენდანტის საათამდე რამდენიმე წუთით ადრე

საზარელი ავარია კომენდანტის საათამდე რამდენიმე წუთით ადრე - გარდაცვლილია 33 წლის ბიჭი

შემთხვევა - 13:50, 30 Apr, 2020

2392

თბილისში, "გლოვოს" კურიერს მანქანა დაეჯახა. 33 წლის მამაკაცისთვის მიყენებული ტრამვები სიცოცხლისთვის შეუთავსებელი აღმოჩნდა. დიტო ხიჯაკაძე საავადმყოფოში მიყვანიდან რამდენიმე საათში გარდაიცვალა.

არსებული ინფორმაციით, მოპედს, რომელსაც ახალგაზრდა მართავდა, გადაჭარბებული სიჩქარით მოძრავი ავტომობილი თემქაზე, 143-ე სკოლის მიმდებარე ტერიტორიაზე დაეჯახა.

სოციალურ ქსელში წერენ, რომ შემთხვევა, 29 აპრილს, კომენდანტის საათის ამოქმედებამდე 15 წუთით ადრე მოხდა.

როგირც ირკვევა, დიტო ხიჯაკაძემ მოპედი რამდენიმე თვის წინ იყიდა და შესაბამისად კურიერად მუშაობა ახლახან დაიწყო, მანამდე კი ის თბილისში ფეხსაცმელებს კერავდა.

როგორც "ნიუპოსტს" შინაგან საქმეთა სამინისტროში განუცხადეს, ავტომობილის მძღოლი იდენთიფიცირებულია და დანიშნულის შესაბამისი ექსპერტიზები.

რაც შეეხება გამოძიებას, შსს-მ ძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.

დიტო ხიჯაკაძის ცხედარი ექსპერტიზაზეა გადასვენებული.