გარჩევა სასულიერო პირის შორის - განზრახ მკვლელობის მცდელობის ბრალდებით ყინწვისის მამათა მონასტრის სასულიერო პირი დააკავეს

კრიმინალი - 17:40, 27 Apr, 2020

2873

დაპირსპირბა სასულიერო პირბს შორის - "ნიუპოსტის" მიერ ორი დღის წინ გავრცელებული ინფორმაცია შინაგან საქმეთა სამინისტრომ ოფიციალურად დაადასტურა.

კერძოდ, როგორც გომელაურის უწყებაში აცხადებენ, ყინწვისის მამათა მონასტრის სასულიერო პირებს შორის ცეცხლსასროლი იარაღით გარჩევის ფაქტზე, სასულიერო პირი დააკავეს.

დაკავებულს განზრახ მკვლელობის მცდელობა და ცეცხლსასროლი იარაღის უკანონო შეძენა-შენახვა-ტარება ედება ბრალად.

„შინაგან საქმეთა სამინსიტროს შიდა ქართლის პოლიციის დეპარტამენტის თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, ქალაქ ქარელში, 1986 წელს დაბადებული კ.კ. განზრახ მკვლელობის მცდელობისა და ცეცხლსასროლი იარაღის უკანონო შეძენა-შენახვა-ტარების ბრალდებით დააკავეს. დანაშაული 7-დან 15 წლამდე ვადით თავისუფლების აღკვეთას ითვალისწინებს. გამოძიებით დგინდება, რომ ბრალდებულმა, გორის რაიონის სოფელ რიეთის საავტომობილო გზაზე გადაადგილებისას, სავარაუდოდ, ავტომატური ცეცხლსასროლი იარაღიდან ცეცხლი გაუხსნა დაზარალებულის მართვის ქვეშ მყოფ ავტომანქანას, რის შემდგომაც შემთხვევის ადგილიდან მიიმალა. გამოძიება გრძელდება სისხლის სამართლის კოდექსის 19-108-ე მუხლით და 236-ე მუხლის მე-3 და მე-4 ნაწილებით, რაც განზრახ მკვლელობის მცდელობასა და ცეცხლსასროლი იარაღის უკანონო შეძენა-შენახვას გულისხმობს“, - აცხადებენ უწყებაში.

ყინწვისის მამათა მონასტრის სასულიერო პირებს შორის დაპირისპირება რამდენიმე დღის წინ მოხდა.