რუსეთი მთელი მსოფლიოს მსგავსად კორონავირუსს ებრძვის. თუ მათ მიერ წარდგენილ ოფიციალურ მონაცემებს დავუჯერებთ, რუსეთში 32 008 დადასტურებული შემთხვევაა, საიდანაც 273 ადამიანია გარდაცვლილი. თუმცა არც ერთი შემთხვევა არ დაფიქსირებულა ალთაის რეგიონში, სამხრეთ ციმბირში.

ადგილობრივი მოსახლეობის აზრით, მათ მისტიური მუმია იცავს, რომელიც გორნო-ალტაისკის მუზეუმში ინახება. როგორც The Moscow Times იტყობინება, 2 400 წლის მუმია საფლავიდან 1993 წელს ამოთხარეს.

ადგილობრივებს სჯერათ, რომ მათ რეგიონს სწორედ „ციმბირელი ყინულის ქალიშვილი“ იცავს. რეგიონის საპარლამენტო წარმომადგენელმა პრესას განუცხადა, რომ რეგიონში, სადაც 220 000 მოსახლეა კორონავირუსის დადასტურებული შემთხვევა არ დაფიქსირებულა. ბეგენოვის თქმით, რეგიონი სწორედ მუმიის გამოა უნიკალური. „ჩვენ გვაქვს მფარველობა. ალტაის ხალხი თაყვანს სცემს მუმიას“ - აცხადებს დეპუტატი ბეგენოვი.

ალთაის პრინცესად წოდებული მუმია 1993 წელს გათხრების დროს აღმოაჩინეს. არქეოლოგები აქ ყინულის ფენებში ხის ბოძებით აგებულ სამარხს წააწყდნენ. კვლევების მიხედვით ალთაის პრინცესა 25 წლის ასაკში ძველი წელთაღრიცხვით მესამე საუკუნეში გარდაიცვალა. ერთ-ერთი კვლევის მიხედვით ის მკერდის კიბოთი გარდაიცვალა. ადგილობრივმა შამანებმა მაშინვე განაცხადეს, რომ ქალი პრინცესა არაა, არამედ ალთაის ერის წინაპარი–დედა და ორი სამყაროს ჭიშკრის მცველია. წესით, ასე ჯადოქრებსა და ქურუმებს უწოდებენ ხოლმე. მოსახლეობა მუმიის სამარხში დაბრუნებას მოითხოვდა, მათი მტკიცებით წინააღმდეგ შემთხვევაში ალთაის უბედურებები დაადტყდებოდა თავს. მათ სასამართლოში სარჩელიც შეიტანეს და რუსეთის პრეზიდენტსაც მიმართეს, თუმცა მოთხოვნა მაინც არ დაკმაყოფილდა. მუმია დღემდე ქ. ნოვოსიბირსკის ეთნოგრაფიისა და არქეოლოგიის ინსტიტუტში ინახება. დღეს კი მას რეგიონის მფარველად მოიხსენიებენ.