როგორც "ნიუპოსტს" უყვებიან, ა.ს-მ საპყრობილე რამდენიმე თვის წინ დატოვა და მეზობლების მიმართ აგრესიით გამოირჩეოდა.
როგორც ცნობილია, დაკავებულს კონფლიქტი მოუხდა მასპინძელ ქალთან, რის შემდეგაც გაშველების მიზნით მათთან მეზობელი გავიდა, რომელსაც საკუთარი ძაღლიც თან გაჰყვა და სწორედ ამ დროს, ნასვამ მდგომარეობაში მყოფმა მამაკაცმა ძაღლი ფანჯრიდან გადააგდო.
რაც შეეხება უშუალოდ ძაღლის მდგომარეობას, როგორც "ნიუპოსტს" მოქალაქე თამუნა ლალიაშვილმა განუცხადა, ცხოველმა რვავე ლეკვი დაკარგა, აღენიშნებოდა სხეულის მრავლობითი მოტეხილობა, სისხლდენა და მრავლობითი დაჟეჟილობები.
ლალიაშვილმა შემზარავი ფაქტის შესახებ მისი მოძღვრისგან გაიგო, ბორჯომში ჩავიდა და უმძიმეს მდგომარეობაში მყოფი ცხოვცელი თბილისში კლინიკაში გადმოიყვანა.
მე-12 სართულიდან გადმოგდებულ ძაღლის გადაუდებელი ოპერაცია რამდენიმე წუთის წინ დასრულდა. ლალიაშვილის თქმით, მდგომარეობა ისევ მძიმეა. ძაღლს შინაგანი ორგანოები აქვს დაზიანებული, ელენთა გახეთქილი და აღენიშნება გემატომები.
"მუცლის ღრუში სისხლი ჰქონდა ჩაღვრილი, რვავე ლეკვი გარდაცვლილია, ელენთა გახეთქილი. ოპერაცია კლინიკა აიბორში გაუკეთეს, თუმცა რამდენიმე დღეში კვლავ საოპერაციოა, მენჯ-ბარძაყის მოტეხილობა აღნიშნება. ძაღლის ტრანსპორტირებასა და დაბინავებაზე პასუხისმგებლობა თამაზ ალიზბარაშვილის კლინიკამ აიღო.
რაც შეეხება ცხოველის მიმართ სასტიკ მობყრობაში ბრალდებულს, ის მეზობლებმა უკვე ამოიცნეს და იმედს ვიტიოვებ, რომ სათანადოდ დაისჯება"- აცხადებს ლალიაშვილი.
მამაკაცის დაკავება "ნიუპოსტს" შინაგან საქმეთა სამინისტროშიც დაუდასტურეს. უწყებაში ამბიბენ, რომ საქმე სისხლის სამართლის კოდექსის 259-ე მუხლით აღიძრა, რაც გულისხმობს ცხოველისადმი სასტიკ მოპყრობას გულისხმობს.
მასალის გამოყენების პირობები