„არ შემიძლია შენ გვერდით ვიყო, მაგრამ მე აქ ვარ“ - პანდემიის დროს ქიმიოთერაპიისას ცოლს ქმარი ეზოდან ამხნევებს

ეს საინტერესოა - 15:02, 09 Apr, 2020

1066

ახალი კორონავირუსის გამოწვეული შეზღუდვების გამო, ტეხასელმა ალბერტ კონერმა ვერ მოახერხა ცოლის ქიმიოთერაპიის დროს პალატაში, მის გვერდით ყოფილიყო.

პანდემიის გამო, ვიზიტორებს ბევრ საავადმყოფოში შესვლა ეკრძალებათ. ალბერტის ცოლს, 40 წლის კელი კონერს, ძუძუს კიბო მიმდინარე წლის იანვარში დაუდგინდა და ქმარი დაპირდა, რომ ყველა ეტაპზე გვერდიდან არ მოშორდებოდა.

ალბერტმა მისი მარტო დატოვება ვერც პანდემიის პირობებში შეძლო, ამიტომ ის ბანერით ხელში საავადმყოფოს ეზოში, ცოლის პალატის ფანჯრის ქვეშ დაჯდა.

"არ შემიძლია ვიყო შენ გვერდით, თუმცა მე აქ ვარ. მიყვარხარ. მადლობა ყველა თანამშრომელს" - ეწერა ბანერზე.

ფოტოები კელიმ ფეისბუკზე გამოაქვეყნა და ქმარს სიყვარულისა და თანადგომისთვის მადლობა გადაუხადა.

"თავს მშვიდად ვერ ვიგრძნობდი იქ რომ არ ვყოფილიყავი, რადგან მას დავპირდი, რომ ყველა ნაბიჯს ერთად გადავდგამდით. ეს ჩემი სიტყვის გატეხვა იქნებოდა" - ამბობს ალბერტი.

კელის თქმით, როდესაც ფანჯრიდან ქმარი დაინახა, სიხარულისა და გაოცებისგან ცრემლები ვერ შეიკავა. ცრემლები ვერ შეიკავა მისმა ექთანმაც. საავადმყოფოს რამდენიმე თანამშრომლები კი ალბერტთან მადლობის გადასახდელად ეზოშიც ჩავიდა.