სონ ჰინ მინი სამხრეთ კორეელია, რომელიც ინგლისური ტოტენჰემის ღირსებას იცავს. Sky Sports-ის ინფორმაციით სონი ერთთვიანი სამხედრო სამსახურის გავლისთვის ემზადება. 2018 წელს ის ეროვნულ ნაკრებში წარმატებული თამაშისთვის გაათავისუფლეს სამხედრო სამსახურიდან. სამხრეთ კორეის 23-წლამდელთა გუნდმა 2018 წლის აზიის თამაშების ფინალში იაპონია დაამარცხა და ოქროს მედლებიც მოიპოვა.

სამხრეთ კორეული კანონმდებლობით, 28 წლამდე მამაკაცებისთვის სამხედრო სამსახურში მსახურება 21 თვის განმავლობაში სავალდებულოა. ვალდებულებისგან თავისუფლდებიან მხოლოდ ღირსეული სპორტული დამსახურებისთვის - მედალი ოლიმპიურ თამაშებში (ბრინჯაო, ვერცხლი, ოქრო), ან აზიური თამაშების მოგება.