მამის მიერ საკუთარი შვილის მკვლელობის ახალი დეტალები: "3 თვის ჩვილი დანით მოკლა, ცოლი დაჭრა და ბოლოს თვითონაც მიიყენა დაზიანებები"

კრიმინალი - 18:16, 28 Mar, 2020

3319

კახეთში მომხდარი სადისტური მკვლელობის დეტალებზე საუბარი უჭირთ.

ადგილობრივების თქმით, 24 წლის მამამ, სამი თვის უმწეო შვილი დანით მოკლა. ბავშვის დედა კი ქმრის მიერ მიყენებული ჭრილობით, საავადმყოფოში სიკვდილს ებრძვის - მისი მდგომარეობა უმძიმესია.

როგორც ირკვევა, ოჯახი სოფელ ვეჯინში რამდენიმე დღის წინ, საჩხერიდან ჩავიდა. გურჯაანში დაჭრილი ქალის და ცხოვრობდა.

ადგილობრივების თქმით, მკვლელობის მომენტში წყვილი, სამი თვის ბავშვთან ერთად სახლში მარტო იყო.
გურჯაანში ამბობენ, რომ საზარელი დანაშაულის შემდეგ ახალგაზრდა კაცმა თვითდაზიანებები მიიყენა და ისიც საავადმყოფოშია მოთავსებული.

ექიმის თქმით, ქალის მდგომარეობა უმძიმესია, ის გურჯაანის "ჯეო ჰოსპიტალში" რეანიმაციულ განყოფილებაშია მოთავსებული.

ქალს მუცლის არეში მრავლობითი ჭრილობები აქვს მიყენებული.

"და საკუთარი დის ოჯახში ჩამოვიდა სტუმრად, დღეს კი ეს საშინელი ინფორმაცია გავიგეთ - 3 თვის შვილი მოკლა, ცოლი დაჭრა და ბოლოს თვითონაც მიიყენა დაზიანებები"- ამბობს ერთ-ერთი მეზობელი.

მოკლულის ოჯახის წევრები მომხდარზე კომენტარს არ აკეთებენ. შინაგან საქმეთა სამინისტრომ კი გამოძიება დამამძიმებელ გარემოებაში ოჯახის წევრის მიმართ ჩადენილ განზრახ მკვლელობის ფაქტზე, სისხლის სამართლის კოდექსის 11 პრიმა 109-ე მუხლის "ბ" და "დ" ქვეპუნქტებით დაიწყო.

დანაშაული 13-დან 17 წლამდე ვადით თავისუფლების აღკვეთას ითვალისწინებს.