ხელჩართული ჩხუბი ქუთაისის გარეუბანში მდებარე ერთ-ერთ რესტორანში დაკავებით დასრულდა. ადგილზე რამდენიმე საპატრულო ეკიპაჟი იყო მობილიზებული. შინაგან საქმეთა სამინისტროს ინფორმაციით, დაპირისპირება „ძველი იმერეთის“ დაცვასა და ნასვამ სტუმრებს შორის მოხდა.

სამართალდამცავების მიერ გავრცელებული ინფორმაციის თანახმად, ჩხუბის დაწყებისთანავე რესტორნის ადმინისტრაციამ საპატრულო პოლიცია გამოიძახა. ინიდენტის დროს პატრულის თანამშრომელი დაშავდა, ასევე 11 წლის ბავშვი, რომელიც საავადმყოფოში გადაიყვანეს. მოზარდი უკვე სახლშია გაწერილი.