18 წლის დეივიდ ბეილი და 19 წლის ეშლი რობერტსი მანჩესტერში, პიკადილის სადგურის მიმართულებით გადაადგილდებოდნენ, რა დროსაც შეხვდნენ გეი წყვილს. ერთ-ერთი მსხვერპლი მეორეს სწორედ პიკადილის სკვერში შეხვდა და ისინი ხელჩაკიდებულები აგრძელებდნენ სიარულს. ამ დროს მოძალადეებმა მათ შემდეგი სიტყვებით მიმართეს: „თქვენ ცეცხლში დაიწვებით“, „ეს გულისამრევია“. ამის შემდეგ დამნაშავეებმა გეი წყვილს 20 ფუნტი მოსთხოვეს, წინააღმდეგ შემთხვევაში მათ მოკლავდნენ. როდესაც დაზარალებულებმა ფულის მიცემაზე უარი განაცხადეს, ბეილიმ და რობერტსმა წყვილს ცემა დაუწყეს. დაუზიანეს პირადი ნივთები: სათვალე და მობილური ტელეფონი. ორივე ახალგაზრდა მანჩესტერის პოლიციამ დააკავა, ხოლო მანჩესტერის სასამართლომ კი მათ თავისუფლება 32 თვით შეუზღუდა.