კორონავირუსის გამო მსოფლიოში საავიაციო სექტორი 28 მილიარდ დოლარამდე თანხას იზარალებს. ინფორმაციას საქართველოს ტურიზმის ადმინისტრაცია საჰაერო ტრანსპორტის საერთაშორისო ასოციაციისგან მიღებულ მონაცემებზე დაყრდნობით ავრცელებს.

მათივე ინფორმაციით, ვირუსის გამო მხოლოდ ორ თვეში დანაკლისი 4,9 პროცენტია, წლის ბოლომდე კი ეს მაჩვენებელი 13 პროცენტს გაუტოლდება.

"საერთაშორისო ობიექტური ტენდენციებიდან გამომდინარე მოსალოდნელია, რომ მარტის თვე მაღალი გამოწვევებით სავსე იქნება, როგორც საქართველოსთვის, ასევე მთელი მსოფლიოსთვის ტურიზმისა და ავიაციის ინდუსტრიაში", - ნათქვამია ინფორმაციაში.