საქართველოს ფინანსთა მინისტრის, ვანო მაჭავარიანის განცხადებით, საქართველოს მთავრობა იტალიასთან ფრენების შეწყვეტას განიხილავს, თუმცა ცნობილი არ არის საბოლოო გადაწყვეტილების თარიღი.

“არ დაგიმალავთ ეს განხილვის თემაა. გადაწყვეტილება მიღებული ჯერ არ არის, თუმცა ეს საკითხი განიხილება.. ყოველდღიურ შეხვედრებზე ბევრ სხვა საკითხთან ერთად ფრენების შეწყვეტასაც განვიხილავთ.”- მაჭავარიანი.

შეგახსნებთ, რომ ამ დროის მდგომარეობით, საქართველოში კორონავირუსით ინფიცირების ოთხი შემთხვევა დაფიქსირდა. აქედან 2 მათგანს იტალიაში მოგზაურობის გამოცდილება აქვს, ხოლო 2-ს – ირანში.