უგულავას საქმე, პოლიტიკური სასამართლო და ჩაგდებული პროპორციული არჩევნები - მორიგი მწვავე გზავნილი პრემიერს ევროპარლამენტარებისგან

პოლიტიკა - 10:14, 05 Mar, 2020

1270

საქართველოს პრემიერ მინისტრი გიორგი გახარიას ევროპარლამენტარები მორიგ მწვავე წერილს უგზავნიან.

წერილში შეშფოთებაა გამოთქმული დემოკრატიული პრინციპებიდან და კანონის უზენაესობიდან საქართველოს უკუსვლის გამო. ევროპარლამენტარები დაჟინებით მოითხოვენ, მთავრობამ შეასრულო დაპირებული პროპორციული საარჩევნო სისტემა.

ევროპარლამენტყარები წერილში პოლიტიკურ დევნაზეც ამახვილებენ ყურადღბას. წერილის ავტორების შეფასებით სასამართლოზე პოლიტიკური გავლენები იზრდება.

წერილში მოყვანილია ბიძინა ივანიშვილის ის განცხადება, სადაც "ქართული ოცნების" თავმჯდომარე ოპოზიციის წევრებს ციხით დაემუქრა.

დოკუმენტში მოხვდა, პოლიტიკური ოპონენტების წინააღმდეგ გაცოცხლებული საქმეები.

გიგი უგულავას საქმეზე ნათქვამია, რომ უზენაესი სასამართლოს გადაწყვეტილება კითხვებს აჩენს.

„ევროპარლამენტის წევრებმა უნდა გამოვხატოთ წუხილი კანონის უზენაესობისა და დემოკრატიული პრინციპებისგან საქართველოს უკუსვლის გამო. სამწუხაროა იმის მოსმენა, რომ საკონსტიტუციო ცვლილებებს მხარი არ დაუჭირეს და ამაში როლი უმრავლესობის ნაწილმა ითამაშა. ქართული საზოგადოების აშკარა პოლარიზაცია არის საქართველოს დემოკრატიული ცხოვრების არასტიმულირების სტატუს-კვოს შედეგი. მივესალმებით მმართველ პარტიასა და ოპოზიციას შორის დიალოგს და ვიმედოვნებთ პრობლემები მალე მოგვარდება. დაჟინებით მოვითხოვთ საქართველოს მთავრობისგან მოამზადოს დაპირებული ზომები პროპორციული საარჩევნო სისტემისთვის შემდგომი შეფერხების გარეშე.

მთავრობამ უნდა უზრუნველყოს, რომ მოსამართლეები, რომლებიც უნდა აირჩიონ, აკმაყოფილებდნენ უმაღლეს პროფესიულ სტანდარტებს. აუცილებელია მიღწეული შედეგის კონსოლიდაცია კანონის უზენაესობის დასაცავად და სასამართლო სისტემაზე პოლიტიკური გავლენის შესაჩერებლად. როგორც ჩანს, პოლიტიკური გავლენა სასამართლოზე იზრდება. თუ გავითვალისწინებთ იმას, რომ მმართველი პარტიის თავმჯდომარე ოპოზიციას ციხეში დროის გატარებით დაემუქრა და იმას, რომ ძველი საქმეები ხელახლა იხსნება. ნიშანდობლივია, რომ გიგი უგულავას ბოლო დროინდელი საქმე ბადებს კითხვებს უზენაესი სასამართლოს გადაწყვეტილების მოტივის, დროში დამთხვევებსა და პროცედურის მიმართ“, - ნათქვამია წერილში.