"20 ივნისი იყო მაგათთვის დაღი... საერთოდ არ შეეხო ამ თემას" - სამოქალაქო აქტივისტები 20 ივნისის სისხლიან მოვლენებზე დუმილის გამო პრეზიდენტს აკრიტიკებენ

პოლიტიკა - 18:30, 04 Mar, 2020

769

დღეს, 4 მარტს საქართველოს პრეზიდენტი სალომე ზურაბიშვილი პარლამენტის წინაშე მოხსენებით წარსდგა. სხდომას მხოლოდ ხელისუფლების წვერები ესწრებოდნენ, რადგან ოპოზიცია ბოიკოტის რეჟიმშია, თუმცა ოპოზიციის წევრებმა და სამოქალაქო აქტივისტებმა მედიასთან საუბრისას შეაფასეს პრეზიდენტის მოხსენება.
პრეზიდენტის ანგარიშმა მძაფრი კრიტიკა გამოიწვია, განსაკუთრებით კრიტიკით სამოქალაქო აქტივისტები გამოირჩევიან, რომლებიც პრეზიდენტს 20 ივნისის დარბევას და თვალ დაკარგულ ახალგაზრდებს ახსენებენ."გავრილოვის ღამეს" დაზარალებული მაკო გომური ამბობს რომ ის იმსახურებდა დღეს საქართველოს პრეზიდენტს მის შესახებ ორიოდე სიტყვა მაინც ეთქვა.
"შეეხო სასამართლო სისტემას, შეეხო სამოქალაქო აქტივიზმს, თუმცა კონკრეტულად არაფერზე უსაუბრია, რაც შეეხება 20 ივნისის ამ თემაზე არა მარტო დღეს, არამედ არცერთ მოხსენებასა და სფიჩში არ ქონია ამაზე საუბარი. იმედგაცრუება არ მქონია, რადგან ვიცი როგორც მუშაობს მაგათი სისტემა. 20 ივნისის იყო მაგათთვის დაღი, გადაამატეს უფლებამოსილებებს დაასახიჩრეს ადამიანები, დღემდეა უამრავი გამოუძიერბელი საქმე, თუნდაც ჩემი, არ შეეხო ამ თემას იმიტომ, რომ მეტი კითხვა და კრიტიკა წამოვიდოდა მასზე" - განაცხადა მაკო გომურმა "მთავარ არხთან" საუბრისას.