გაეროს მიერ ოგანიზებულ, პოლიტიკისა და არჩევნებში ქალთა მიმართ ძალადობის პრევენციის შესახებ გამართულ შეხვედრაზე, სიტყვით გამოვიდა აშშ-ს ელჩი კელი დეგნანი.

ელჩმა ისაუბრა მმართველობაში ქალთა მნიშვნელოვანი როლის ზრდადობაზე და მათი ჩართულობის შედეგად დემოკრატიის საგრძნობ წარმატებაზე.

"საქართველომ, ქალთა მმართველობის ხანგრძლივი ისტორიით, გამოცდილებით იცის, რომ ლიდერ ქალებს ბევრის მოტანა შეუძლიათ ქვეყნისთვის. საუკუნეების შემდეგაც აღფრთოვანებულები ვართ თამარ მეფით.

შეერთებული შტატები აღიარებს ქალთა მნიშვნელოვან როლს მმართველობაში და არაერთ პროგრამას აფინანსებს საქართველოსა და მთელ მსოფლიოში, რომ ხელი შეუწყოს პოლიტიკაში ქალების კომფორტულ მონაწილეობას,"- განაცხადა კელი დეგნანმა.